ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်သည် (၂၈.၄.၂၀၁၈) ရက်နေ့တွင် တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်း/ခရိုင်/မြို့နယ်အဆင့်ဌာနဆိုင်ရာများနှင့်အတူ ဓနုဖြူမြို့နယ်၊ ဗျင်းဘွဲကျေးရွာအုပ်စု၊ ဗျင်းဘွဲကျေးရွာရှိ ဝေနေယျသုခဓမ္မာရုံ၌ ကျင်းပပြုလုပ်သည့် ကယ်ဆယ်ရေးပစ္စည်းနှင့် ကယ်ဆယ်ရေးရန်ပုံငွေထောက်ပံ့ပေးအပ်ခြင်း အခမ်းအနားသို့ တက်ရောက်ခဲ့ပြီး ဧရာဝတီတိုင်းဒေသကြီးအစိုးရအဖွဲ့မှ မအူပင်ခရိုင်အတွင်းရှိ ပြိုကျနေအိမ် (၉၈)လုံးအတွက် (၁)အိမ်လျှင် (၃၀၀၀၀)ကျပ်နှုန်းဖြင့် စုစုပေါင်း (၂၉၄၀၀၀၀)ကျပ်အား ထောက်ပံ့ပေးအပ်ခဲ့ပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်သည် (၂၈.၄.၂၀၁၈) ရက်နေ့တွင် တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်း/ခရိုင်/မြို့နယ်အဆင့်ဌာနဆိုင်ရာများနှင့်အတူ မအူပင်မြို့နယ်၊ ညောင်ဝိုင်းကျေးရွာအုပ်စုရှိ မအူပင်စက်မှုဇုန်စီမံကိန်းရှင်းလင်းဆောင်၌ လွှတ်တော်ကိုယ်စားလှယ်များ၊ မအူပင်ဖွံ့ဖြိုးတိုးတက်ရေးအများနှင့်သက်ဆိုင်သော ကုမ္ပဏီမှတာဝန်ရှိသူများ၊ မအူပင်စက်မှုဇုန်စီမံကိန်းအဖွဲ့ဝင်များ၊ ဒေသခံတောင်သူများနှင့် တွေ့ဆုံ၍ တာဝန်ရှိသူများမှ စက်မှုဇုန်စီမံကိန်း အကောင်အထည်ဖော် ဆောင်ရွက်ထားမှု အခြေအနေများအား ရှင်းလင်းတင်ပြမှုများအပေါ် လိုအပ်သည်များ ဆွေးနွေးမှာကြားခဲ့ပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်သည် (၂၈.၄.၂၀၁၈) ရက်နေ့တွင် တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်း/ခရိုင်/မြို့နယ်အဆင့်ဌာနဆိုင်ရာများနှင့်အတူ မအူပင်ခရိုင်၊ မအူပင်မြို့နယ်၊ တလုပ်လတ်အနောက်ကျေးရွာတွင် တိုးမြစ်ရေတိုက်စားမှုကြောင့် မအူပင်ကျွန်းမြောက်ပိုင်းတာ မိုင် ၁/၂-၂/၆ အတွင်း (တလုပ်လတ်အနောက်)မြစ်ကမ်းပြိုကျမှု အခြေအနေနှင့် တာတမံပြုပြင်ဆောင်ရွက်နေမှု အခြေအနေများအား ကြည့်ရှုစစ်ဆေးခဲ့ပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်သည် (၂၃.၄.၂၀၁၈) ရက်နေ့တွင် တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်းဒေသကြီးအစိုးရအဖွဲ့ အတွင်းရေးမှူး၊ လွှတ်တော်ကိုယ်စားလှယ်များ၊ တိုင်း/ခရိုင်/မြို့နယ်အဆင့်ဌာနဆိုင်ရာများ၊နှင့်အတူ ပုသိမ်ခရိုင်၊ ငပုတောမြို့နယ်၊ လိပ်ချောင်းကျေးရွာအုပ်စု၊ ခြံကွင်းကျေးရွာသို့ သွားရောက်၍ မြောင်းမြမြို့၊ မြောင်းမြကြိုးတံတားပျက်ကျခဲ့ခြင်းကြောင့် မြောင်းမြခရိုင်နှင့်လပွတ္တာခရိုင်အတွင်းရှိ ပြည်သူများ၏ လူမှုရေး၊ စီးပွားရေး၊ ကုန်စည်စီဆင်းမှုတို့အတွက် လမ်းပန်းဆက်သွယ်ရေးအဆင်ပြေချောမွေ့စေရန်၊ ပုသိမ်ခရိုင်၊ ငပုတောမြို့နယ်၊ လိပ်ချောင်းကျေးရွာအုပ်စုနှင့် ညောင်ချောင်းလေးကျေးရွာအုပ်စုတို့ ထိစပ်လျက်ရှိသော ပမ္မဝတီမြစ်အတွင်း လက်ရှိကူးတို့ဆိပ်နေရာ၌ ဇက်ဆိပ်ဆောက်လုပ်သွားမည်ဖြစ်သဖြင့် အဆိုပါကျေးရွာ (၂)ရွာရှိ ဇက်ဆိပ်ချဉ်းကပ်လမ်းတည်ဆောက်နေမှု၊ ဇက်ဆိပ်ရေဆင်းလမ်း ကွန်ကရစ်ခင်းနေမှုများကို ကြည့်ရှုခဲ့ပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်သည် (၂၂.၄.၂၀၁၈) ရက်နေ့တွင် တိုင်းဒေသကြီးအစိုးရအဖွဲ့ဝင်ဝန်ကြီးများ၊ လွှတ်တော်ကိုယ်စားလှယ်များ၊ တိုင်း/ခရိုင်/မြို့နယ်အဆင့်ဌာနဆိုင်ရာများ၊ ဒေသခံတောင်သူများနှင့်အတူ ကန်ကြီးထောင့်မြို့၊ မြင်းကဆိပ်ကျေးရွာအုပ်စု၌ ကျင်းပပြုလုပ်သည့် နွေစပါးစံကွက် ရိတ်သိမ်းခြင်းအခမ်းအနားသို့ တက်ရောက်ခဲ့ပြီး တောင်သူ ဦးဒေးဗစ်၏ နွေစပါးစိုက်ခင်း (၁၁.၈၂)ဧကတွင် စံကွက်ရိတ်သိမ်းနေမှုအား ကြည့်ရှုအားပေးကာ တိုင်းဒေသကြီးစိုက်ပျိုးရေးဦးစီးဌာန၊ ဒုတိုင်းဦးစီးမှူးမှ အဆိုပါ စံကွက်ရိတ်သိမ်းနေမှု အခြေအနေအား ရှင်းလင်းတင်ပြခဲ့ပါသည်။