နှစ်စဉ်မတ်လ(၈)ရက်နေ့ကို အပြည်ပြည်ဆိုင်ရာ အမျိုးသမီးများနေ့အဖြစ် သတ်မှတ်ပြီး အထိမ်းအမှတ်အခမ်းအနားများအား နိုင်ငံတကာမှ အလေးထားကျင်းပလျက်ရှိပါသည်။ မြန်မာနိုင်ငံတွင် ၂၀၁၃ ခုနှစ်မှ စတင်ပြီး နှစ်စဉ်နိုင်ငံတစ်ဝန်းရှိ အမျိုးသမီးများ ပါဝင်ဆင်နွှဲနိုင်ရန်အတွက် တိုင်းဒေသကြီး/ပြည်နယ်များတွင် ကျင်းပနေပြီဖြစ်ပါသည်။ ယခုနှစ်၏ ဆောင်ပုဒ်မှာ ခွင့်တူညီရေး စဉ်းစားလို့ စွမ်းရည်မြှငိ့ရေးအလေးပေးဖို့၊ ပြောင်းလဲမှုကိုဖန်တီးစို့ Think equal, build smart, innovate for change ဖြစ်ပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်ဦးလှမိုးအောင်သည် တိုင်းဒေသကြီးအစိုးရအဖွဲ့ဝင် စိုက်ပျိုးရေး၊ မွေးမြူရေး၊ သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီး၊ တိုင်းဒေသကြီးကရင်တိုင်းရင်းသားလူမျိုးရေးရာဝန်ကြီး၊ တိုင်းဒေသကြီးအစိုးရအဖွဲ့အတွင်းရေးမှူးနှင့် တိုင်း၊ ခရိုင်၊ မြို့နယ်များမှတာဝန်ရှိသူများနှင့်အတူ (၆.၃.၂၀၁၉)ရက်နေ့၊ နံနက်(၀၈:၄၅)နာရီအချိန်တွင် ပုသိမ်မြို့ရှိ စာစစ်ဌာနများတွင် ကျင်းပပြုလုပ်လျက်ရှိသော ၂၀၁၉ ခုနှစ်၊ တက္ကသိုလ်ဝင်စာမေးပွဲဖြေဆိုမည့် ကျောင်းသား ကျောင်းသူများ လုံခြုံအေးချမ်းစွာ ဖြေဆိုနိုင်ရန်အတွက် စီမံဆောင်ရွက်ထားရှိမှုများအား လိုက်လံကြည့်ရှုခဲ့ပါသည်။

ဧရာဝတီတိုင်းဒေသကြီးOKအစိုးရအဖွဲ့ ဝန်ကြီးချုပ် ဦးလှမိုးအောင်သည် (၂.၃.၂၀၁၉)ရက်နေ့၊ နံနက် (၀၉:၀၀)နာရီအချိန်တွင် ဒုတိယသမ္မတ ဦးဟင်နရီဗန်ထီးယူ၊ ပြည်ထောင်စုဒုတိယဝန်ကြီးများ၊ လွှတ်တော်ဥက္ကဋ္ဌ၊ တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်းဒေသကြီးအစိုးရအဖွဲ့ အတွင်းရေးမှူး၊ ဌာနဆိုင်ရာအကြီးအကဲများ၊ လွှတ်တော်ကိုယ်စားလှယ်များ၊ တိုင်း/ခရိုင်/မြို့နယ်အဆင့်ဌာနဆိုင်ရာများနှင့်အတူ မြောင်းမြခရိုင်၊ အိမ်မဲမြို့နယ် တောင်စုကျေးရွာ၌ ကျင်းပပြုလုပ်သည့် တောင်သူလယ်သမားနေ့ အခမ်းအနားသို့ တက်ရောက်ခဲ့ပါသည်။

(၂.၃.၂၀၁၉)ရက်နေ့တွင် ကျရောက်မည့် တောင်သူလယ်သမားနေ့ အခမ်းအနားကို ဧရာဝတီတိုင်းဒေသကြီး၊ မြောင်းမြခရိုင်၊ အိမ်မဲမြို့၊ တောင်စုကျေးရွာတွင် စည်ကားသိုက်မြိုက်စွာ ကျင်းပပြုလုပ်မည့်ဖြစ်ရာ (၁.၃.၂၀၁၉)ရကေ်န့၊ နံနက် (၀၉၃၀)နာရီအချိန်တွင် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်နှင့် တိုင်းဒေသကြီးလွှတ်တော် ဒုတိယဥက္ကဋ္ဌ၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးအစိုးရအဖွဲ့ အတွင်းရေးမှူး၊ ၊ တိုင်း/ခရိုင်/မြို့နယ်အဆင့်ဌာနဆိုင်ရာမာျးနှင့်အတူ တက်ရောက်ခဲ့ကြပါသည်။ ထို့နောက် တောင်သူလယ်သမားနေ့ အခမ်းအနား မုခ်ဦးနှင့် ဌာနဆိုင်ရာပြခန်းများ၊ တောင်သူပညာပေး စိုက်ပျိုးရေး သွင်းအားစု ပြခန်းများကို တိုင်းဒေသကြီးဝန်ကြီးချုပ်၊ စိုက်ပျိုးရေး၊ မွေးမြူရေး၊ သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီးတိုံမှ ဖွင့်လှစ်ပေးခဲ့ပါသည်။ ဆက်လက်ပြီး တိုင်းဒေသကြီးဝန်ကြီးချုပ်နှင့်အဖွဲ့သည် ဌာနဆိုင်ရာ ပြခန်းများ ၊ တောင်သူပညာပေး စိုက်ပျိုးရေး သွင်းအားစု ပြခန်းများ၊ ကုမ္ပဏီများက ခင်းကျင်းပြသထားမှုများအား လှည့်လည်ကြည့်ရှုခဲ့ပါသည်။

ချင်းတိုင်းရင်းသားများ၏ နေ့ထူးနေ့မြတ်ဖြစ်သည့် ချင်းအမျိုးသားနေ့ကို လွတ်လပ်ရေးရပြီး ၁၉၄၈ ခုနှစ်မှ စတင်၍ ဖေဖော်ဝါရီလ ၂၀ ရက်နေ့အား ချင်းအမျိုးသားနေ့အဖြစ် စတင်သတ်မှတ်ခဲ့ခြင်းဖြစ်ရာ ယနေ့ ၂၀၁၉ ခုနှစ်၊ ဖေဖော်ဝါရီလ(၂၀)ရက်နေ့တွင် ဟင်္သာတခရိုင်၊ ကြံခင်းမြို့နယ်၊ မြို့ဦးကွင်း၌ ကျင်းပပြုလုပ်သည့် ချင်းအမျိုးသားနေ့သည် (၇၁)နှစ် ပြည့်မြောက်ခဲ့ပြီဖြစ်ပါသည်။