၃၈)ကြိမ်မြောက် ဧရာဝတီတိုင်းဒေသကြီး၊ ပုသိမ်ခရိုင်လုံးဆိုင်ရာ ရွှေကျင်နိကာယ ဝိနယဓမ္မ စာဖြေ၊ စာပြန်ပွဲတော်ကို ပုသိမ်မြို့၊ မြောင်းမြကျောင်းတိုက်တွင်  ယခုလ ၂၃ ရက်နေ့မှ ၂၇ ရက်နေ့အထိ ကျင်းပလျက်ရှိရာ စာဖြေ၊ စာပြန်ပွဲတော်သို့ ကြွရောက်တော်မူလာကြသည့် ကျောင်းတိုက်အသီးသီးမှ သံဃာတော် အရှင်သူမြတ်များသည် စာဖြေ၊ စာပြန်ပွဲတော် ပြုလုပ်နေစဉ်အတွင်း ပုသိမ်မြို့တွင်းရှိ ရပ်ကွက်များတွင် ယနေ့နံနက်ပိုင်းက ဆွမ်းဆန်စိမ်းအလှူ ခံယူတော်မူကြရာ စေတနာရှင် အလှူရှင်များက ကြည်ညိုသဒ္ဒါတရားထက်သန်စွာဖြင့် ဆွမ်းဆန်တော်များ၊ လှူဖွယ်ပစ္စည်းများလောင်းလှူခြင်းနှင့် ဆွမ်းများဆက်ကပ်လှူဒါန်းခဲ့ကြသည်။  

၂၀၂၅ ခုနှစ်၊ တက္ကသိုလ်ဝင်စာမေးပွဲအောင်ချက်မြင့်မားရေး ဘာသာရပ်ဆိုင်ရာ သိကောင်းစရာများ (ဒုတိယအကြိမ်) ဟောပြောပွဲကို ယနေ့နံနက်ပိုင်းက ပုသိမ်တက္ကသိုလ်၊ ဘွဲ့နှင်းသဘင်ခန်းတွင် ပြုလုပ်ခဲ့ရာ ဟောပြောပွဲသို့ တိုင်းဒေသကြီးဝန်ကြီးချုပ် ဦးတင်မောင်ဝင်းနှင့် အစိုးရအဖွဲ့ဝင် ဝန်ကြီးများ၊ ပုသိမ်တက္ကသိုလ်မှ တာဝန်ရှိသူများနှင့် အခြေခံပညာအထင်တန်း ကျောင်းများမှ ဆရာ၊ ဆရာမများတက်ရောက်ခဲ့ကြသည်။

ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် ယနေ့နံနက်ပိုင်းက တာဝန်ရှိသူများနှင့်အတူ မြန်အောင်ခရိုင်အတွင်းရှိ ၂၀၂‌၄-၂၀၂၅ခုနှစ်၊ ဆောင်းနေကြာစံပြစိုက်ခင်းများအား ကြည့်ရှုအားပေးခဲ့ပြီး တောင်သူများ၏ တင်ပြချက်များအပေါ် လိုအပ်သည်များကို ဖြည့်ဆည်းဆောင်ရွက်ပေးခဲ့သည်။

ဧရာဝတီတိုင်းဒေသကြီး၊ ပုသိမ်မြို့နယ်၊ မဒေါ့ကုန်းကျေးရွာအုပ်စု၊ ရွာသစ်ကျေးရွာရှိ တောင်သူ ဦးမန်းကျော်ခိုင်၏ စိုက်ဧက(၁၂)ဧကတွင် ဆီထွက်သီးနှံ(နေကြာ)စံပြကွက် အပင်ပြုစုခြင်း သရုပ်ပြပွဲကို ယနေ့နံနက်ပိုင်းက ပြုလုပ်ခဲ့ရာ တိုင်းဒေသကြီးဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ တက်ရောက်အားပေးခဲ့သည်။

လက်မှတ်ရစီးပွားရေးစာရင်းကိုင်ပညာ (၂)နှစ်သင်တန်းပြီးမြောက်မည့် ဒုတိယနှစ် သင်တန်းသား/သူများအတွက် အလုပ်အကိုင်အခွင့်အလမ်းရရှိစေရန် တွေ့ဆုံမိတ်ဆက်ပွဲ အခမ်းအနားကို ယနေ့နံနက်ပိုင်းက သမဝါယမစာရင်းရေးစာရင်းကိုင်သက်မွေးပညာ သင်တန်းကျောင်း(ပုသိမ်)တွင် ကျင်းပပြုလုပ်ခဲ့ရော ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင်များ၊ လုပ်ငန်းရှင်များနှင့်အတူ တက်ရောက် ခဲ့သည်။