ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်သည် (၁၇.၁၁.၂၀၁၈)ရက်နေ့တွင် တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးအစိုးရအဖွဲ့ အတွင်းရေးမှူး၊ တိုင်းဒေသကြီးလွှတ်တော် ဒုတိယဥက္ကဋ္ဌတို့နှင့်အတူ ဖျာပုံခရိုင်၊ ဒေးဒရဲမြို့နယ်၊ မြင်းကကုန်းကျေးရွာ၊ ကွင်းအမှတ် (၂၂၆ - ခ)၊ တောင်သူဦးမြင့်ကို၏ စိုက်ကွင်းအတွင်း ထုံးထည့်စမ်းသပ်စိုက်ပျိုးထားသော စပါးအထွက်နှုန်းအား ကြည့်ရှုအားပေးခြင်းနှင့် တောင်သူများနှင့်တွေ့ဆုံပွဲသို့ တက်ရောက်ခဲ့ပါသည်။ တောင်သူများနှင့်တွေ့ဆုံရာတွင် ရှေးဦးစွာ တိုင်းဒေသကြီးအစိုးရအဖွဲ့ဝင် စိုက်ပျိုးရေး၊ မွေးမြူရေး၊ သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီး ဦးတင်အောင်ဝင်းက မြေဆီလွှာစမ်းသပ်ခြင်း၊ မြေဆီလွှာပြုပြင်ခြင်းနှင့် ဓာတ်မြေသြဇာ လွန်ကဲစွာ သုံးစွဲခြင်း အကြောင်းကို ဆွေးနွေးပါသည်။

ဧရာဝတီတိုင်းဒေသကြီးအစိုးရအဖွဲ့ဝင် စည်ပင်သာယာရေးဝန်ကြီး ဦးကျော်မြင့်သည် (၁၆.၁၁.၂၀၁၈)ရက်နေ့တွင် ပုသိမ်မြို့၊ ဧရာရွှေဝါခန်းမ၌ စည်ပင်သာယာရေးဝန်ကြီးဌာနနှင့် အာရှဖောင်ဒေးရှင်းတို့ ပူးပေါင်းဖွင့်လှစ်သော အခွန်ထမ်းစာရင်းများ ပြုစုကောက်ခံခြင်းနှင့် စွန့်ပစ်အမှိုက်သိမ်းဆည်းခြင်းဆိုင်ရာ အချက်အလက်များ ကောက်ခံခြင်း၊ နည်းပညာလက်တွေ့အသုံးချသင်တန်း အခမ်းအနားသို့ တိုင်းဒေသကြီးလွှတ်တော်ကိုယ်စားလှယ်များ၊ တိုင်းဒေသကြီးစည်ပင်သာယာရေး ခေတ္တညွှန်ကြားရေးမှူး ဦးနိုင်လင်းမောင်နှင့် စည်ပင်သာယာရေးအဖွဲ့ အမှုထမ်း၊ အရာထမ်းများ၊ ရပ်မိရပ်ဖများ၊ ရပ်ကွက်အုပ်ချုပ်ရေးမှူးများ၊ ရာအိမ်မှူးများ၊ ရပ်ကွက်သန့်ရှင်းသာယာလှပရေး အထောက်အကူပြု ကော်မတီဝင်များနှင့်အတူ တက်ရောက်၍ အဖွင့်အမှာစကား ပြောကြားခဲ့ပြီး အာရှဖောင်ဒေးရှင်းတာဝန်ခံမှ အမှာစကား ဆက်လက်ပြောကြားပြီး သင်တန်းအား ဆက်လက်ပို့ချခဲ့ပါသည်။ အဆိုပါ အခမ်းအနားသို့ ဖိတ်ကြားထားသော ဧည့်သည်တော်များ၊ သင်တန်းသား၊ သင်တန်းသူ စုစုပေါင်း (၁၂၀)ဦးခန့် တက်ရောက်ခဲ့ပါသည်။

ပုသိမ်မြို့တော် စက်မှုစီမံကိန်းတွင် ကနဦးတည်ဆောက်မည့် စက်ရုံသစ်အတွက် ပန္နက်တင်မင်္ဂလာအခမ်းအနားကို (၁၅.၁၁.၂၀၁၈)ရက်နေ့ နံနက် (၀၉၀၀)နာရီအချိန်တွင် တိုင်းဒေသကြီးလွှတ်တော်ဥက္ကဋ္ဌ၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးအစိုးရအဖွဲ့အတွင်းရေးမှူး၊ တရုတ်ပြည်သူ့သမ္မတနိုင်ငံသံရုံး၊ စီးပွားရေးသံမှူး Mr ရှဲ့ဂေါ်ရှန်နှင့်တာဝန်ရှိသူများ၊ Ayeyarwady Development Public Co.,Ltd မှ တာဝန်ရှိသူများ၊ တိုင်းဒေသကြီးလွှတ်တော်ကိုယ်စားလှယ်များ၊ တိုင်း/ခရိုင်/မြို့နယ်အဆင့်ဌာနဆိုင်ရာများ၊ ဖိတ်ကြားထားသော ဧည့်သည်တော်များနှင့်အတူ ပုသိမ်စက်မှုမြို့တော် စီမံကိန်းတွင် ကနဦးဆောက်လုပ်မည့် စက်ရုံသစ်အတွက် ပန္နက်တင်မင်္ဂလာအခမ်းအနားသို့ တက်ရောက်၍ ပန္နက်တော်တင်ခြင်းနှင့် အမွှေးနံ့သာရည် ပျက်ဖြန်းခြင်းများ ဆောင်ရွက်ခဲ့ပါသည်။

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးလှမိုးအောင်သည် (၁.၁၀.၂၀၁၈)ရက်နေ့တွင် တိုင်းဒေသကြီးတရားလွှတ်တော်တရားသူကြီးချုပ်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးဥပဒေချုပ်၊ တိုင်းဒေသကြီးအစိုးရအဖွဲ့အတွင်းရေးမှူး၊ တပ်မတော်အရာရှိကြီးများ၊ လွှတ်တော်ကိုယ်စားလှယ်များ၊ တိုင်းအဆင့်ဌာနဆိုင်ရာများ၊ ဖိတ်ကြားထားသော ဧည့်သည်တော်များနှင့်အတူ ပုသိမ်မြို့၊ မြို့တော်ခန်းမ၌ ကျင်းပပြုလုပ်သည့် (၅၄)ကြိမ်မြောက် မြန်မာနိုင်ငံရဲတပ်ဖွဲ့နေ့ အခမ်းအနားသို့ တက်ရောက်ခဲ့ပါသည်။

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးလှမိုးအောင်သည် (၁၈.၉.၂၀၁၈)ရက်နေ့တွင် တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးဥပဒေချုပ်၊၊ တိုင်းဒေသကြီးအစိုးရအဖွဲ့ အတွင်းရေးမှူး၊ တိုင်း/ခရိုင်/မြို့နယ်အဆင့်ဌာနဆိုင်ရာများ၊ သတင်းမီဒီယာ (၁၅)ခုမှ တာဝန်ရှိသူများနှင့်အတူ ဧရာဝတီတိုင်းဒေသကြီးအစိုးရအဖွဲ့ရုံး အစည်းအဝေးခန်းမ (၁)၌ ပုသိမ်ခရိုင်၊ ကန်ကြီးထောင့်မြို့နယ်၊ နနွင်းဂရက်ကျေးရွာအုပ်စုရှိ မြေလွတ်၊ မြေရိုင်းလုပ်ကိုင်ခွင့် အငြင်းပွားမှုနှင့်ပတ်သက်၍ သတင်းစာရှင်းလင်းပွဲ ကျင်းပပြုလုပ်ခဲ့ပါသည်။