ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့၊ ဘုံကျော်မဟာစည် သာသနာ့ရိပ်သာကြီး၏ ဦးစီးပဓာနနာယက၊ (မူလဓမ္မာစရိယ၊ အဂ္ဂမဟာကမ္မဋ္ဌာနာစရိယ)  ဘဒ္ဒန္တ ဝိစာရ၊ သက်တော် (၉၁) နှစ်၊ သိက္ခာတော်(၇၁)ဝါရ၊ သက်တော်ရှည်ဆရာတော်ဘုရားကြီး၏ အန္တိမအဂ္ဂိဈာပန သာဓုကီဠနပူဇာသဘင် အခမ်းအနားသို့တက်ရောက်ခဲ့သည်

၂၀၂၅ ခုနှစ်၊ တိုင်းဒေသကြီးနှင့် ပြည်နယ် အသက်(၂၃)နှစ်အောက် အမျိုးသား/အမျိုးသမီး ပိုက်ကျော်ခြင်းပြိုင်ပွဲအား ဧရာဝတီတိုင်းဒေသကြီးမှအိမ်ရှင်အဖြစ်လက်ခံ၍   ပုသိမ်မြို့၊ ကိုးသိန်း အားကစားခန်းမတွင် ဇူလိုင်လ ၃၀ ရက်နေ့မှ စတင်ကျင်းပလျက်ရှိရာ ယနေ့နံနက်ပိုင်းတွင် အမျိုးသား/အမျိုးသမီး သုံးယောက်တွဲပြိုင်ပွဲ ဗိုလ်လုပွဲနှင့် အမျိုးသားသုံးယောက်တွဲပြိုင်ပွဲ တတိယနေရာလုပွဲများကို တိုင်းဒေသကြီးဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင်များ၊ ဌာနဆိုင်ရာများနှင့်အတူ တက်ရောက် ကြည့်ရှုအားပေးခဲ့သည်။

၂၀၂၅ခုနှစ်၊ တိုင်းဒေသကြီးနှင့် ပြည်နယ် အသက် (၂၃) နှစ်အောက် အမျိုးသား/အမျိုးသမီး ပိုက်ကျော်ခြင်းပြိုင်ပွဲအား ဧရာဝတီတိုင်းဒေသကြီးမှအိမ်ရှင်အဖြစ်လက်ခံ၍   ပုသိမ်မြို့၊ ကိုးသိန်းအားကစားခန်းမတွင် ဇူလိုင်လ ၃၀ရက်နေ့မှ စတင်ကျင်းပလျက်ရှိရာ ယနေ့မွန်းလွဲပိုင်းတွင် အမျိုးသား/ အမျိုးသမီး သုံးယောက်တွဲပြိုင်ပွဲ အုပ်စုပွဲစဉ်များ ယှဉ်ပြိုင်ကစားနေမှုများကို တိုင်းဒေသကြီးဝန်ကြီးချုပ်ဦးတင်မောင်ဝင်းသည် လူမှုရေးရာဝန်ကြီး၊ တိုင်းရင်းသားရေးရာဝန်ကြီးတို့နှင့်အတူ တက်ရောက်ကြည့်ရှုအားပေးခဲ့သည်။

ဧရာဝတီတိုင်းဒေသကြီး၊ ပုသိမ်မြို့အမှတ်(၁) အခြေခံပညာ အထက်တန်းကျောင်း၊ ရတနာတန်ဆောင်ခန်းမတွင် ယနေ့နံနက်ပိုင်းက ၂၀၂၅-၂၀၂၆ ပညာသင်နှစ်၊ တက္ကသိုလ်ဝင်တန်း (Grade-12) အောင်ချက်မြင့်မားရေး အလုပ်ရုံဆွေးနွေးပွဲကိုပြုလုပ်ခဲ့ရာ အလုပ်ရုံဆွေးနွေးပွဲသို့ တိုင်းဒေသကြီးဝန်ကြီးချုပ် ဦးတင်မောင်ဝင်း၊ အစိုးရအဖွဲ့ဝင်ဝန်ကြီးများ၊ ခရိုင်၊ မြို့နယ် ပညာရေးမှူးများ၊ ဆရာ၊ ဆရာမများ တက်ရောက်ခဲ့ကြသည်။

ဧရာဝတီတိုင်းဒေသကြီး၊ ပုသိမ်မြို့၊ အမှတ် (၈) နယ်မြေ၊ ကဂေါင်းဘုရားလမ်း၊ ဘုံကျော်မဟာစည်သာသနာ့ ရိပ်သာကြီး၏ ဦးစီးပဓာနနာယက၊ တဂေါင်းမင်္ဂလာမဟာစေတီတော်မြတ် ကြီး၏ ဩဝါဒါစရိယ၊ သက်တော် (၉၁) နှစ်၊ သိက္ခာတော်(၇၁)ဝါ၊ ဘဒ္ဒန္တဝိစာရ(မူလဓမ္မာစရိယ၊ အဂ္ဂမဟာကမ္မဋ္ဌာနာစရိယ) သက်တော်ရှည်မဟာထေရ် ဆရာတော်ဘုရားကြီးသည် ၁၃၈၇ ခုနှစ်၊ ဝါခေါင်လဆန်း (၅) ရက်၊ ဇူလိုင်လ(၂၉ )ရက်၊ အင်္ဂါနေ့၊ နံနက် (၅) နာရီ(၁၅)မိနစ် တွင် ဘဝနတ်ထံစံလွန်တော်မူခဲ့ရာ ယမန်နေ့ညနေပိုင်းက သက်တော်ရှည်မဟာထေရ်ဆရာတော် ဘုရားကြီး ဥတုဇရုပ်ကလာပ်တော်အား တိုင်းဒေသကြီးဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ သွားရောက်ဖူးမြော်ကြည်ညိုခဲ့သည်။