ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်ဦးတင်မောင်ဝင်းနှင့်အဖွဲ့သည် ယနေ့ ဇွန်လ ၆ ရက်နေ့တွင် ဟင်္သာတခရိုင်၊ အင်္ဂပူမြို့နယ်၊ ခြောက်ရွာကျေးရွာ အခြေခံပညာအထက်တန်းကျောင်း (၁၂၀×၃၀) RC (၂) ထပ်ကျောင်းဆောင်သစ်ဖွင့်ပွဲတက်ရာက်၍ အခမ်းအနားအား ဖဲကြိုးဖြတ်ဖွင့်လှစ်ပေးခဲ့ပြီး ကျောင်းဆောင်သစ်အား လှည့်လည်ကြည့်ရှုစစ်ဆေးခဲ့သည်။

ထို့အတူ ကျားသေကျေးရွာ အခြေခံပညာမူလတန်းကျောင်း (၁၂၀ပေ×၃၀ပေ × PL ၆ပေ) RC (၁) ထပ်ကျောင်းဆောင်သစ် ဖွင့်ပွဲတက်ရာက်၍ အခမ်းအနားအားဖဲကြိုးဖြတ်ဖွင့်လှစ်ပေးခဲ့ပြီး ကျောင်းဆောင်သစ်အားလှည့်လည်ကြည့်ရှုစစ်ဆေးခဲ့ပြီး ကျောင်းသားကျောင်းသူများအေးချမ်းပျော်ရွှင်စွာပညာသင်ကြားနိုင်စေရေး၊ကျောင်းပတ်ဝန်းကျင်သန့်ရှင်းသာယာစေရေးနှင့် ကိုဗစ်၁၉ရောဂါကာကွယ်ရေးဆိုင်ရာ ညွှန်ကြားချက်များအားစနစ်တကျလိုက်နာဆောင်ရွက်စေရေးမှာကြားခဲ့သည်။