ဧရာဝတီတိုင်း​ဒေသကြီးအစိုးရအဖွဲ့ဝန်ကြီးချုပ် ဦးတင်​မောင်ဝင်းနှင့်ဇနီးသည် ဧပြီလ ၂၃ ရက်နေ့ နံနက်ပိုင်းတွင်  တိုင်း​ဒေသကြီးအစိုးရအဖွဲ့ဝင်များ၊ တိုင်း၊ ခရိုင်၊ မြို့နယ်ဌာနဆိုင်ရာများလိုက်ပါလျက် ပုသိမ်မြို့၊ မင်္ဂလာအောင်မြေကျောင်းတိုက်၌ ကျင်းပပြုလုပ်သည့် တိုင်း​ဒေသကြီးအစိုးရအဖွဲ့ကကြီးမှူးပြီး Supreme Trading Co,Ltd မှ ပြုလုပ်သည့် နှစ်သစ်စတုဒီသာကျွေးမွေးလှူဒါန်းခြင်း ရေစက်ချ အလှူတော်မင်္ဂလာ အခမ်းအနားသို့တက်ရာက်ကြည်ညိုခဲ့ပြီး မြို့နယ်သံဃနာယကဆရာတော်ဘဒ္ဒန္တ နန္ဒိယမဟာထေရ် အရှင်သူမြတ်ထံမှ ငါးပါးသီလခံယူဆောက်တည်ခြင်း၊ လှူဖွယ်ဝတ္ထုများ ဆက်ကပ်လှူဒါန်းခြင်း၊ သံဃာတော်အရှင်မြတ်တို့အား နေ့ဆွမ်းဆက်ကပ်လှူဒါန်းခြင်းများ ပြုလုပ်ဆောင်ရွက်ခဲ့ပြီး ရာမညရပ်ကွက်နှင့် တာကိုင်းရပ်ကွက်တို့တွင်လူဦးရေ ၆၀၀၀ ဦးအတွက် ထမင်းဘူးများ ပေးဝေလှူဒါန်းခဲ့ပါသည်။