၂၀၂၁ ခုနှစ်၊ ဇူလိုင်လ၊ (၂၇)ရက်နေ့ ၊ (၁၀၃၀)နာရီအချိန်၌ ဧရာဝတီတိုင်းဒေသကြီးစီမံ အုပ်ချုပ်ရေးကောင်စီဥက္ကဋ္ဌ ဦးရဲမြင့်သည် ကောင်စီအဖွဲ့ဝင်(၁) ဗိုလ်မှူးကြီးကျော်စွာလှိုင်၊ ကောင်စီ အဖွဲ့ဝင်(၂) ဦးတင်အေး၊ ကောင်စီအဖွဲ့ဝင်(၃) ဦးအုန်းမြင့်၊ ကောင်စီအဖွဲ့ဝင်(၅) ရဲမှူးကြီး တင်ဇော်ထွန်း၊ ဌာနဆိုင်ရာတာဝန်ရှိသူများနှင့်အတူ ပုသိမ်မြို့၊ သမဝါယမသင်တန်းကျောင်းတွင် ပုသိမ်မြို့ပေါ်ရှိ Covid-19 ရောဂါ ကုသဆောင်များတွင် တက်ရောက်ကုသမှုခံယူနေသောလူနာများနှင့်၊ Quarantine Center များတွင် ဝင်ရောက်နေသူများအတွက် တိုင်းဒေသကြီးစီမံအုပ်ချုပ်ရေးကောင်စီမှ ကူညီ ထောက်ပံ့ပေးသည့် ထမင်း၊ ဟင်းနှင့် ဖြည့်စွက်စာများ ပို့ဆောင်ပေးနေမှုအခြေအနေများအား သွားရောက်ကြည့်ရှုစစ်ဆေးခဲ့ပြီး ကောင်စီဥက္ကဋ္ဌမှ ကူညီဆောင်ရွက်ပေးနေသည့် စေတနာ့ဝန်ထမ်းများအား အားပေးစကားပြောကြားခဲ့ကာ လိုအပ်သည်များကို ဖြည့်ဆည်းဆောင်ရွက်ပေးခဲ့ကြောင်း သတင်းရရှိပါသည်။