၂၀၂၁ ခုနှစ်၊ ဇွန်လ၊ (၁၁)ရက်နေ့၊ (၀၉၃၀)နာရီအချိန်တွင် ဧရာဝတီတိုင်းဒေသကြီး စီမံအုပ်ချုပ်ရေးကောင်စီ ဥက္ကဋ္ဌ ဦးရဲမြင့်သည် ကောင်စီအဖွဲ့ဝင်များ၊ ကောင်စီအတွင်းရေးမှူး၊ ဌာနဆိုင်ရာတာဝန်ရှိသူများနှင့်အတူ Telecom International Myanmar Co.,Ltd မှ တာဝန်ရှိသူများနှင့် ဧရာဝတီတိုင်းဒေသကြီး စီမံအုပ်ချုပ်ရေးကောင်စီရုံး၊ အစည်းအဝေးခန်းမ(၁)၌ တွေ့ဆုံခဲ့ပါသည်။ ထို့နောက် ကုမ္ပဏီတာဝန်ရှိသူများမှ ဧရာဝတီတိုင်းအတွင်းရှိ ဆက်သွယ်ရေးနှင့်ပတ်သက်သော ဖွံ့ဖြိုးတိုးတက်မှုနှင့်အခက်အခဲကိစ္စရပ်များ၊ တိုင်းဒေသကြီး စီမံအုပ်ချုပ်ရေးကောင်စီ၊ ခရိုင်စီမံအုပ်ချုပ်ရေးအဖွဲ့များနှင့် မြို့နယ်စီမံအုပ်ချုပ်ရေးအဖွဲ့များ၏ ဆက်သွယ်ရေးနှင့်ပတ်သက်သော အခက်အခဲများအား ပံ့ပိုးကူညီဖြေရှင်းပေးလိုသည်များအား တင်ပြခဲ့ရာ ကောင်စီဥက္ကဌမှလိုအပ်သည်များကို လမ်းညွှန်မှာကြား ဆောင်ရွက်ပေးခဲ့ကြောင်း သတင်းရရှိပါသည်။