၂၀၁၉ခုနှစ်၊ ဒီဇင်ဘာတတိယအပတ် လူထုအားကစားလ လူထု စုပေါင်းလမ်းလျှောက်ပွဲကို နံနက်(၀၅:၄၅)အချိန်တွင် ဧရာဝတီတိုင်းဒေသကြီး အစိုးရအဖွဲ့ရုံးရှေ့ စုရပ်မှ စတင်ပြီး မင်းကြီးလမ်း၊ ရွှေစေတီလမ်း၊ ကုန်သည်လမ်း၊ မြတ်လေးလမ်းမှ ကမ်းနားလမ်းအတိုင်း ရှုခင်းသာရင်ပြင်သို့ စုပေါင်းလမ်းလျှောက်ကြကာ စုပေါင်းကိုယ်လက်လှုပ်ရှားမှုများ ပြုလုပ်ခဲ့ကြသည်။ စုပေါင်းလမ်းလျှောက်ပွဲကို ဧရာဝတီတိုင်းဒေသကြီး ဝန်ကြီးချုပ်ဦးလှမိုးအောင်နှင့် အတူ တိုင်းဒေသကြီးအစိုးရ အဖွဲ့ဝင် ဝန်ကြီးများ၊ အစိုးရအဖွဲ့ အတွင်းရေးမှူး ၊ တိုင်းဒေသကြီး/ ခရိုင်/မြို့နယ်အဆင့်ဌာနဆိုင်ရာများ၊ ကျောင်းသား/ကျောင်းသူများ၊ လူမှုရေး အသင်းအဖွဲ့များ၊ မိဘ ပြည်သူများ စုစုပေါင်း အင်အား(၁၅၀၀)ဦးခန့် ပါဝင်ဆင်နွှဲခဲ့ကြပါသည်။