Smart Business Group မှ ကြီးမှူးကျင်းပသော Pathein Expo 2019 ကုန်စည်ပြပွဲ ဖွင့်ပွဲအခမ်းအနားကို ပုသိမ်မြို့၊ မြို့တော်ခန်းမ၌ နံနက် (၀၉၀၀)နာရီအချိန်တွင် ကျင်းပရာ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်၊ တိုင်းဒေသကြီးလွှတ်တော်ဥက္ကဋ္ဌနှင့် Smart Business Group မှ တာဝန်ရှိသူတို့မှ ကုန်စည်ပြပွဲကြီးအား ဖွင့်လှစ်ပေးပြီး ဝန်ကြီးချုပ်နှင့် တက်ရောက်လာသူများမှ ကုန်စည်ပြပွဲအတွင်းရှိ ဆိုင်ခန်းများအား လှည့်လည်ကြည့်ရှုခဲ့ပါသည်။

အခမ်းအနားသို့ တိုင်းဒေသကြီးအစိုးရအဖွဲ့ ဝန်ကြီးချုပ်နှင့်အတူ တိုင်းဒေသကြီးလွှတ်တော်ဥက္ကဋ္ဌ၊ ဒုတိယဥက္ကဋ္ဌ၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးအစိုးရအဖွဲ့အတွင်းရေးမှူး၊ ဌာနဆိုင်ရာတာဝန်ရှိသူများနှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြပါသည်။

Photo By : Wai Zin