၂၀၁၉ ခုနှစ်၊ တိုင်းဒေသကြီးနှင့်ပြည်နယ် ပိုက်ကျော်ခြင်းပြိုင်ပွဲတွင် တံခွန်စိုက်ဆုဖလား ရရှိခဲ့သော ဧရာဝတီတိုင်းဒေသကြီးပိုက်ကျော်ခြင်းအသင်းအား ဂုဏ်ပြုချီးမြှင့်ခြင်း အခမ်းအနားကို ဧရာဝတီတိုင်းဒေသကြီးအစိုးရအဖွဲ့ရုံး၌ (၉.၇.၂၀၁၉)ရက်နေ့၊ နံနက် (၁၁၃၀)နာရီအချိန်တွင် ကျင်းပရာ အခမ်းအနားသို့ ဧရာဝတီတိုင်းဒေသကြီးအစိုးရအဖွဲ့ဝင် ဝန်ကြီးချုပ် ဦးလှမိုးအောင်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ ဌာနဆိုင်ရာ တာဝန်ရှိသူများ၊ အောင်ပွဲရ ဧရာဝတီတိုင်းဒေသကြီး ပိုက်ကျော်ခြင်းအသင်းမှ အားကစားသမားများ တက်ရောက်ခဲ့ကြပါသည်။

အခမ်းအနားတွင် အောင်ပွဲရအားကစားသမားများမှ တစ်ဦးချင်းမိတ်ဆက်ပြီး အသင်းအုပ်ချုပ်သူမှ ပြိုင်ပွဲအတွေ့အကြုံများအား ရှင်းလင်းတင်ပြကာ အမျိုးသမီးတံခွန်စိုက် ဆုဖလားအား ဝန်ကြီးချုပ်ထံ အပ်နှံကြပါသည်။ ထို့နောက် တိုင်းဒေသကြီးဝန်ကြီးချုပ်မှ ဂုဏ်ပြုအမှာစကား ပြောကြားကာ တိုင်းဒေသကြီးဝန်ကြီးချုပ်နှင့် ပိုက်ကျော်ခြင်းနည်းပြများအဖွဲ့မှ အောင်ပွဲကစားသမားများအား ဂုဏ်ပြုချီးမြှင့်ငွေများ ပေးအပ်ကာ ပိုက်ကျော်ခြင်း အားကစားသမားတစ်ဦးမှ ကျေးဇူးတင်စကား ပြန်လည်ပြောကြားခဲ့ပါသည်။