(၁၀.၁.၂၀၁၉)ရက်နေ့၊ နံနက် (၁၀၃၀)နာရီ အချိန်တွင် ဧရာဝတီတိုင်းဒေသကြီး၊ ပုသိမ်မြို့၊ စွမ်းဟိုတယ်၌ ကျင်းပပြုလုပ်သည့် ဧရာဝတီတိုင်းဒေသကြီးအတွင်း အကျိုးတူလယ်ယာစနစ်နှင့် အရည်အသွေးပြည့်ဝသော စိုက်ပျိုးရေးသွင်းအားစုများအား အသုံးပြု၍ ဆန်စပါး ထုတ်လုပ်မှုတန်ဖိုး ကွင်းဆင်းမြှင့်တင်ခြင်း အခမ်းအနားသို့ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်သည် ပြည်ထောင်စုလွှတ်တော် စိုက်ပျိုးရေး၊ မွေးမြူရေးနှင့် ကျေးလက်လူမှုဘဝ ဖွံ့ဖြိုးတိုးတက်ရေးကော်မတီဥက္ကဋ္ဌ ဦးရန်လင်း၊ ဧရာဝတီတိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်း/ခရိုင်/မြို့နယ်အဆင့် ဌာနဆိုင်ရာအကြီးအကဲများ၊ မာစီကော့ (Mercy Crops) မှ (Country Diector) Mr. Leo Roozendoal ၊ အသက်မွေးဝမ်းကြောင်းနှင့် စားနပ်ရိက္ခာပူးပေါင်းအဖွဲ့ (LIFT)မှ တာဝန်ရှိသူများ၊ အဖွဲ့အစည်းအသီးသီးမှ ကိုယ်စားလှယ်များ၊ ပုဂ္ဂလိက လုပ်ငန်းရှင်များနှင့် တောင်သူလယ်သမားများ တက်ရောက်ခဲ့ကြပါသည်။ အခမ်းအနားတွင် ဧရာဝတီတိုင်းဒေသကြီး အစိုးရအဖွဲ့ ဝန်ကြီးချုပ်မှ အဖွင့်အမှာစကား ပြောကြားခြင်း၊ ပြည်ထောင်စုလွှတ်တော် စိုက်ပျိုးရေး၊ မွေးမြူရေးနှင့် ကျေးလက်လူမှုဘဝ ဖွံ့ဖြိုးတိုးတက်ရေးကော်မတီဥက္ကဋ္ဌမှ စိုက်ပျိုးရေ၊ မွေးမြူရေးကဏ္ဍ၏ အရေးပါမှု၊ ဖွံ့ဖြိုးမှုနှင့် ဆောင်ရွက်နေမှု အခြေအနေများကို ရှင်းလင်းပြောကြားခဲ့ပါသည်။ ထို့နောက် မာစီကော့ (Mercy Crops) မှ (Country Diector) Mr. Leo Roozendoal ၊ က ကျေးဇူးတင်စကား ပြန်လည်ပြောကြားခဲ့ပြီး စကားဝိုင်း ဆွေးနွေးပွဲကို ဆက်လက်ကျင်းပခဲ့ပါသည်။

Photo By : Wai Zin