ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးလှမိုးအောင်သည် (၂၄.၈.၂၀၁၈)ရက်နေ့တွင် တိုင်းဒေသကြီးလွှတ်တော်ဒုတိယဥက္ကဋ္ဌ ဦးစံမင်းအောင်၊ တိုင်းဒေသကြီးအစိုးရအဖွဲ့ဝင် စိုက်ပျိုးရေး၊ မွေးမြူရေး၊ သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီး ဦးတင်အောင်ဝင်း၊ တိုင်းဒေသကြီးလွှတ်တော်ကိုယ်စားလှယ်များ၊ တာ၀န်ရှိတိုင်းအဆင့်ဌာဆိုင်ရာများနှင့်အတူ ဖျာပုံခရိုင်၊ ကျိုက်လတ်မြို့နယ်တွင် ကျိုက်လတ် - ဒေးဒရဲမြစ်ကူးတံတား ဆောက်လုပ်မည့်နေရာအား ကြည့်ရှု၍ တာဝန်ရှိသူများမှ လုပ်ငန်းစီမံချက်အား ရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ လိုအပ်သည်များ လမ်းညွှန်မှာကြားခဲ့ပါသည်။

ထို့နောက် ဝန်ကြီးချုပ်နှင့်အဖွဲ့သည် ဖျာပုံမြို့နယ်၊ ကျုံတာရှမ်းကွင်းကျေးရွာအုပ်စုရှိ စိုက်ပျိုးရေးဦးစီးဌာနပိုင် လယ်ယာမြေအတွင်း ရွှေခရုကြိုတင်ကာကွယ်ရေးစမ်းသပ်ခြင်း၊ ဆင်းသွယ်လတ်စပါးမျိုးလိုင်းသစ်များ စမ်းသပ်ခြင်းနှင့် စီးပွားဖြစ်မျိုးသန့်မျိုးစေ့ RS to CS စိုက်ပျိုးခြင်း ကွင်းသရုပ်ပြမှုအား ကြည့်ရှု၍ တာဝန်ရှိသူများအား လိုအပ်သည်များ လမ်းညွှန်မှာကြားခဲ့ပါသည်။