ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်သည် (၁၀.၆.၂၀၁၈) ရက်နေ့တွင် တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်း/ခရိုင်/မြို့နယ်အဆင့်ဌာနဆိုင်ရာများနှင့်အတူ လပွတ္တာမြို့နယ်၊ ရွေးနဒီခန်းမတွင် ခရိုင်/မြို့နယ်အဆင့်ဌာနဆိုင်ရာများနှင့် တွေ့ဆုံအမှာစကား ပြောကြားခဲ့ပြီး လပွတ္တာမြို့နယ်၊ လပွတ္တာ (၃)မိုင်မြို့သစ်အတွင်းရှိ Myanmar Earth Food ပင်လယ်ဂဏန်းပျော့ အအေးခန်းစက်ရုံနှင့် Texchem Marine ပင်လယ်ဂဏန်းပျော့ မွေးမြူရေးကန်သို့ သွားရောက်ကြည့်ရှုလေ့လာခဲ့ပါသည်။ ညနေပိုင်းတွင် ဝန်ကြီးချုပ်နှင့် အဖွဲ့သည် လပွတ္တာမြို့နယ်၊ လပွတ္တာ (၃)မိုင်မြို့သစ် ကုတင် (၂၀၀)ဆံ့ဆေးရုံသို့ သွားရောက်ကြည့်ရှုခဲ့ပြီး ဆေးရုံ၏ လိုအပ်မှု အခြေအနေများ၊ တင်ပြချက်များအပေါ် ပြန်လည်ဆွေးနွေးဆောင်ရွက်ခဲ့ပါသည်။