ပုသိမ် မတ်လ ၁၅ 

တိုင်ဒေသကြီးဝန်ကြီးချုပ်နှင့် အစိုးရအဖွဲ့ဝင်ဝန်ကြီးများသည် နှစ်(၈၀)ပြည့်တပ်မတော်နေ့ကို ကြိုဆိုဂုဏ်ပြုသောအားဖြင့် ဒေသတွင်းဖွံ့ဖြိုးတိုးတက်ရေး မြို့အင်္ဂါရပ်နှင့်အညီ သပ်ရပ်သာယာ၍ ရပ်ကွက်တွင်းနေပြည်သူများ သွားလာမှုလွယ်ကူစေရန်ရည်ရွယ်၍ ကန်ကြီးထောင့်မြို့၊ အမှတ်(၃)ရပ်ကွက် ဆင်ဖြူရှင်လမ်း ကွန်ကရစ်လမ်းသစ်ကို ဖဲကြိုးဖြတ်ဖွင့်လှစ်ပေးခဲ့ပြီး ဆင်ဖြူရှင်လမ်း၊ ကွန်ကရစ်လမ်းသစ်ဖွင့်ပွဲ အထိမ်းအမှတ်လက်ဆောင်အား ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်နှင့် အစိုးရအဖွဲ့ဝင်များအားပေးအပ်ခဲ့ကြပြီး အမှတ်တရစုပေါင်းမှတ်တမ်းတင်ဓာတ်ပုံ ရိုက်ကူးခဲ့ကြသည်။ ထို့နောက် လမ်းသစ်အားလှည့်လည်ကြည့်ရှုစစ်ဆေးခဲ့ပြီး လမ်းပုခုံများ စနစ်တကျဆောင်ရွက်စေရေးနှင့် လမ်းရေရှည်တည်တံ့စေရေးအတွက် ပြည်သူများကဝိုင်းဝန်းထိန်းသိမ်းစောင့်ရှောက်ကြရန်မှာကြားခဲ့ပြီး အိုးစည်ဝိုင်းအဖွဲ့နှင့် ပန်းပွားအကအဖွဲ့တို့အား ချီးမြှင့်ငွေများ ပေးအပ်ချီးမြှင့်ခဲ့သည်။  အဆိုပါ ဆင်ဖြူရှင်လမ်း ကွန်ကရစ်လမ်းသစ်မှာ ကန်ကြီးထောင့် မြို့နယ်စည်ပင်သာယာရေးအဖွဲ့၏ ၂၀၂၄-၂၀၂၅ခုဘဏ္ဍာရေးနှစ်တိုင်းဒေသကြီး အထွေထွေပိုလျှံရန်ပုံငွေ (GRF) ဖြင့် ဆောင်ရွက်သောလမ်းဖြစ်ပြီး
အရှည်(၆၂၀' × ၁၂' x ၆”)ရှိကြောင်းသိရသည်။

ထို့အတူ တိုင်းဒေသကြီးဝန်ကြီးချုပ်နှင့် အစိုးရအဖွဲ့ဝင်ဝန်ကြီးများသည် နှစ်(၈၀)ပြည့်တပ်မတော်နေ့ကို ကြိုဆိုဂုဏ်ပြုသောအားဖြင့်  ပန်းတနော်မြို့၊ အလယ်ပိုင်းရပ်ကွက်၊ အ.ထ.က(၁)အခြေခံပညာအထက်တန်း ကျောင်း အဝင်လမ်း ကွန်ကရစ်လမ်းသစ်ကို ဖဲကြိုးဖြတ်ဖွင့်လှစ်ပေးခဲ့ပြီး လမ်းသစ်ဖွင့်ပွဲအထိမ်းအမှတ် အမှတ်တရလက်ဆောင်အား ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်နှင့်တာဝန်ရှိသူများထံပေးအပ်ခဲ့ပြီး အမှတ်တရစုပေါင်းမှတ်တမ်းတင်ဓာတ်ပုံရိုက်ကူးခဲ့ကြသည်။ ထို့နောက် လမ်းသစ်အားလှည့်လည်ကြည့်ရှုစစ်ဆေးခဲ့ပြီး  တိုင်းရင်းသားအကအဖွဲ့နှင့် ဘင်ခရာအကအဖွဲ့တို့အား ချီးမြှင့်ငွေများ ပေးအပ်ချီးမြှင့်ခဲ့သည်။ အဆိုပါ ကွန်ကရစ်လမ်းခင်းခြင်းလုပ်ငန်းအား ပန်းတနော်မြို့နယ် စည်ပင်သာယာရေးအဖွဲ့၏ ၂ဝ၂၄-၂၀၂၅ ခု ဘဏ္ဍာရေးနှစ် ငွေလုံးငွေရင်းရန်ပုံငွေဖြင့်  ဆောင်ရွက်သောလမ်းဖြစ်ပြီးစုစုပေါင်းလမ်းအရှည် ( ၆၃၅' x ၁၂' x ၆’" ) အား (၁၀.၆.၂၀၂၄) ရက်နေ့တွင် စတင်ဆောင်ရွက်ခဲ့ပြီး (၃၁.၁၂.၂၀၂၄) ရက်နေ့တွင် လုပ်ငန်းအားလုံး ဆောင်ရွက်ပြီးစီးခဲ့ကြောင်း သိရသည်။