ပုသိမ် နိုဝင်ဘာ ၁၉

ဧရာဝတီတိုင်းဒေသကြီးအနေဖြင့် ပဉ္စမအကြိမ်မြောက်အမျိုးသားအားကစားပွဲတော်သို့ ဝင်ရောက်ယှဉ်ပြိုင်ရန်အတွက် သက်ဆိုင်ရာအားကစားနည်းများအလိုက် စခန်းသွင်းလေ့ကျင့်ပြင်ဆင်ဆောင်ရွက်လျက်ရှိရာ တိုင်းဒေသကြီးဝန်ကြီးချုပ်ဦးတင်မောင်ဝင်းသည် ပုသိမ်မြို့၊ ကိုးသိန်းအားကစားကွင်း၌ စခန်းသွင်းလေ့ကျင့်နေသည့် အားကစားအဖွဲ့များ၏လေ့ကျင့်ပြင်ဆင်နေမှုများကို ယနေ့ညနေပိုင်း သွားရောက်ကြည့်ရှုအားပေးခဲ့သည်။

ဦးစွာ တိုင်းဒေသကြီးဝန်ကြီးချုပ်သည် တာဝန်ရှိသူများနှင့်အတူ ပုသိမ်မြို့၊ ကိုးသိန်းအားကစားကွင်းသို့ သွားရောက်၍ပဉ္စမအကြိမ်မြောက်အမျိုးသားအားကစားပွဲတော်သို့ ဝင်ရောက်ယှဉ်ပြိုင်ရန် စခန်းသွင်းလေ့ကျင့်နေသည့် အမျိုးသမီးဘော်လီဘောအသင်း၏လက်ရည်စမ်းပြိုင်ပွဲ ယှဉ်ပြိုင်နေမှုနှင့် အမျိုးသား ဘော်လီဘောအသင်း၏လက်ရည်စမ်းပြိုင်ပွဲ ယှဉ်ပြိုင်နေမှုများကို ကြည့်ရှုအားပေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ကိုးသိန်းဘောလုံးအားကစားကွင်းတွင် လက်ရည်စမ်းပြိုင်ပွဲယှည်ပြိုင်ရန် ​ေရာက်ရှိနေသည့် လက်ဝှေ့အားကစားအဖွဲ့၏ လေ့ကျင့်ပြင်ဆင်နေမှုများအားလည်းကောင်း၊ ပြေးခုန်ပစ်ပြိုင်ပွဲဝင်များ၏ လေ့ကျင့်ပြင်ဆင်နေမှုများအားလည်းကောင်း၊ အမျိုးသမီးဘောလုံးအသင်း၏ လေ့ကျင့်နေမှုများအားလည်းကောင်း၊ စားပွဲတင်တင်းနစ်၊ ဝူရူးအားကစားသမားများ၏ လေ့ကျင့်ပြင်ဆင်နေမှုများအား လှည့်ပတ်ကြည့်ရှုခဲ့ပြီး စံချိန်ကောင်းများရရှိရန် ကြိုးစားကြစေလိုကြောင်း၊ နည်းပြများမှ စနစ်တကျလေ့ကျင့်ပြင်ဆင်ပေးစေလိုကြောင်း၊နှင့် အစားအသောက်နှင့်ကျန်းမာရေးအထူးဂရုစိုက်ကြစေလိုကြောင်းမှာကြားခဲ့ ကြောင်းသိရသည်။