ပုသိမ် နိုဝင်ဘာ ၁၈

တိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့ပြည်သူ့ဆေးရုံကြီးတွင် ကျန်းမာရေးဝန်ကြီးဌာနမှ ပါမောက္ခ/အထူးကုဆရာဝန်ကြီးများက မွေးရာပါ နှုတ်ခမ်းကွဲ၊ အာခေါင်ကွဲ လူနာများအား ခွဲစိတ်ကုသပေးနေမှုများအား သွားရောက်ကြည့်ရှုအားပေးခဲ့ရာ တိုင်းဒေသကြီးပြည်သူ့ကျန်းမာရေးနှင့်ကုသရေးဦးစီးဌာနဌာနမှူးက မွေးရာပါ နှုတ်ခမ်းကွဲ၊ အာခေါင်ကွဲ လူနာများအား ခွဲစိတ်ကုသပေးမည့်အခြေအနေများအား လိုက်လံရှင်းလင်းတင်ပြခဲ့ပြီး တိုင်းဒေသကြီးဝန်ကြီးချုပ်နှင့် တာဝန်ရှိသူများက မွေးရာပါ နှုတ်ခမ်းကွဲ၊ အာခေါင်ကွဲ ခွဲစိတ်မကုသမီလူနာများ၊ ခွဲစိတ်ကုသရန်စောင့်ဆိုင်းနေသည့် လူနာများနှင့် ခွဲစိတ်ကုသပြီးလူနာများအား လိုက်လံကြည့်ရှု အားပေး စကားများ ပြောကြားခဲ့ပါသည်။

ပုသိမ်မြို့ပြည်သူ့ဆေးရုံကြီးတွင် (၁၈.၁၁.၂၀၂၄)ရက်နေ့မှ (၂၂.၁၁.၂၀၂၄) ရက်နေ့အထိ ကျန်းမာရေးဝန်ကြီးဌာနမှ ပါမောက္ခ/အထူးကုဆရာဝန်ကြီးများက မွေးရာပါ နှုတ်ခမ်းကွဲ၊ အာခေါင်ကွဲ လူနာ(၁၀၅)ဦးအား ခွဲစိတ်ကုသပေးသွားရန် စီစဉ်ထားရှိပြီး ခွဲစိတ်ကုသရန်ကျန်ရှိ လူနာများ စာရင်းပေးလာရောက်သူများရှိပါကလည်း ထပ်မံခွဲစိတ်ကုသပေးသွားမည်ဖြစ်ကြောင်း သိရှိရပါသည်။