ပုသိမ်         အောက်တိုဘာ       ၂၉

ပဉ္စမအကြိမ်မြောက်အမျိုးသားအားကစားပွဲတော်သို့ ဝင်ရောက်ယှဉ်ပြိုင်ရန်အတွက် မော်လမြိုင်ကျွန်းမြို့နယ်၊ အားကစားနှင့်ကာယပညာဦးစီးဌာန၊ အားကစားပြိုင်ပွဲရုံ၌ စခန်းသွင်းလေ့ကျင့်နေသည့် လက်ဝှေ့အဖွဲ့အား တိုင်းဒေသကြီးဝန်ကြီးချုပ်ဦးတင်မောင်ဝင်းနှင့် အစိုးရအဖွဲ့ဝင် ဝန်ကြီးများသည် ယနေ့နံနက်ပိုင်းက သွားရောက်တွေ့ဆုံအားပေးစကားများ ပြောကြားခဲ့သည်။

ဦးစွာ တိုင်းဒေသကြီးဝန်ကြီးချုပ်အား တာဝန်ရှိသူတစ်ဦးက ပဉ္စမအကြိမ်မြောက်အမျိုးသားအားကစားပွဲတော်သို့ ဝင်ရောက်ယှဉ်ပြိုင်မည့် (အမျိုးသား/ အမျိုးသမီး) ဝိတ်တန်းအလိုက် လက်​ဝှေ့အားကစားသမားများနှင့် မိတ်ဆက်ပေးခဲ့ပြီးနောက် တိုင်းဒေသကြီးဝန်ကြီးချုပ်က အားကစားသမားများအား အာရပြည့်စားသောက်ဖွယ်ရာများပေးအပ်ခဲ့ပြီး အမျိုးသား၊ အမျိုးသမီးပြိုင်ပွဲဝင်များ၏ သရုပ်ပြယှဉ်ပြိုင်​နေမှုများကို ကြည့်ရှုအားပေးခဲ့ပြီး အားကစားသမားများအား တိုင်း​ဒေသကြီးဂုဏ်​ဆောင် ဆုတံဆိပ်များရရှိ​အောင် ကြိုးစားယှဥ်ပြိုင်ကြရန် အား​ပေးစကားများ​ပြောကြားခဲ့သည်။