ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်စိုက်ပျိုးရေးဦးစီးဌာနရုံးတွင် ဆီထွက်သီးနှံဇုန်(၂) ပန်းတိုင်အထွက်နှုန်းရရှိရေး တောင်သူပညာပေးဆွေးနွေးပွဲအား (၁၄.၅.၂၀၂၄)ရက်နေ့ ညနေပိုင်းကပြုလုပ်ခဲ့ရာ ဆွေးနွေးပွဲတွင် တိုင်းဒေသကြီးဝန်ကြီးချုပ် ဦးတင်မောင်ဝင်းက“ တိုင်းဒေသကြီးအတွက် ဆီထွက်သီးနှံ ပန်းတိုင်အထွက်နှုန်း ရောက်ရှိစေရေးနှင့် ဆီဖူလုံရေးအတွက် တောင်သူအသိပညာပေး လာရောက်ဆွေးနွေးပေးသည့် ပညာရှင်များအား များစွာကျေးဇူးတင်ရှိပါကြောင်း၊ တောင်သူများအနေဖြင့် လာရောက်ဆွေးနွေးပေးသည့် ပညာရှင်များအား သိရှိလိုသည်များကို ဆွေးနွေးမေးမြန်းကြရန်လိုကြောင်း၊ တိုင်းဒေသကြီးအနေဖြင့် ဆီဖူလုံမှုရှိစေရေး အားလုံးက ကြိုးပမ်းဆောင်ရွက်ရမည်ဖြစ်ပါကြောင်း၊ ဆီထွက်သီးနှံ မြေပဲ၊ နှမ်း၊ နေကြာများကို အင်တိုက်အားတိုက်ဆောင်ရွက်နိုင်ရေး ဇုန်အလိုက် သတ်မှတ်၍ စုဖွဲ့စိုက်ပျိုးဆောင်ရွက်နိုင်ရေးအတွက် မြန်အောင်ခရိုင်နှင့် ဟင်္သာတခရိုင်အား ဇုန်(၁)နှင့် မအူပင်ခရိုင်အား ဇုန်(၂)အဖြစ် သတ်မှတ်ထားပါကြောင်း၊ ဆီထွက်သီးနှံစိုက်ပျိုးမည့် ဇုန် ၂ ခုအပါအဝင် တိုင်းဒေသကြီးတစ်ခုလုံးတွင် အောင်မြင်အောင် စိုက်ပျိုးရမှာဖြစ်ကြောင်း၊ တိုင်းဒေသကြီး၏ ဆီဖူလုံမှု၊ နိုင်ငံတော်၏ ဆီဖူလုံမှုကို တစ်ခန်းတစ်ကဏ္ဍအနေဖြင့် အထောက် အကူပြုနိုင်ရေး အောင်မြင်အောင် ဆောင်ရွက်သွားမည်ဖြစ်ပါကြောင်း၊ စိုက်ပျိုးရေးပညာရှင် များ၏ ဆွေးနွေးမှုများကို တောင်သူများအနေဖြင့် လိုက်နာမှတ်သား၍ လက်တွေ့အကောင် အထည်ဖော် ဆောင်ရွက်ပေးကြစေလိုကြောင်း” အမှာစကားများပြောကြားခဲ့သည်။