ပညာရေးဝန်ကြီးဌာနနှင့် ဧရာဝတီတိုင်းဒေသကြီးအစိုးရအဖွဲ့တို့ ပူးပေါင်းဆောင်ရွက်သည့် ကျေးလက်ဒေသနေပြည်သူများနှင့် တိုင်းရင်းသားပြည်သူများ စာတတ်မြောက်ရေးအတွက် အခြေခံစာတတ်မြောက်ရေးလုပ်ငန်းအဖြစ် စာသင်ဝိုင်းများဖွင့်လှစ်သင်ကြားပေးလျက်ရှိရာ တိုင်းဒေသကြီးဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ (၂၄.၄.၂၀၂၄)ရက်နေ့ ညနေပိုင်းက ပုသိမ်မြို့နယ်အတွင်းရှိ စာသင်ဝိုင်းများအား သွားရောက်ကြည့်ရှုအားပေးခဲ့သည်။

ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့ အမှတ်(၁၄)အခြေခံပညာမူလတန်းကျောင်း(ကွမ်းခြံ) စာသင်ဝိုင်းသို့လည်းကောင်း၊ အမှတ်(၁၀)အခြေခံပညာမူလတန်းကျောင်း(ပုဂံ) စာသင်ဝိုင်းသို့လည်းကောင်း၊ အမှတ်(၂)အခြေခံပညာမူလတန်းကျောင်း(တံတားကြီးတန်း) စာသင်ဝိုင်းသို့လည်းကောင်း၊ ကိုးဆူကျေးရွာ အခြေခံပညာ အလယ်တန်းတန်းကျောင်း စာသင်ဝိုင်းသို့လည်းကောင်း၊ အမှတ် (၂၁၁) ပျဥ်းကတိုးကုန်းကျေးရွာ အခြေခံပညာ မူလတန်းတန်းကျောင်း စာသင်ဝိုင်းသို့လည်းကောင်း၊ ပေါက်ကုန်းကျေးရွာ အခြေခံပညာ အလယ်တန်းတန်းကျောင်းခွဲ စာသင်ဝိုင်းသို့လည်းကောင်း သွားရောက်၍ အခြေခံစာတတ်မြောက်ရေးလုပ်ငန်းအဖြစ် တိုင်းရင်းသား ပြည်သူများအား သင်ကြားပေးနေမှုများကို ကြည့်ရှုအားပေးခဲ့ပြီး ဆရာ၊ ဆရာမများနှင့် စာသင်သားများအတွက် လက်ဆောင်ပစ္စည်းများနှင့် အာဟာရဖြည့် စားသောက်ဖွယ်ရာများ ပေးအပ်ခဲ့သည်။