တိုင်းဒေသကြီးဝန်ကြီးချုပ်နှင့် ဇနီး၊ အစိုးရအဖွဲ့ဝင် ဝန်ကြီးများနှင့် ဇနီးများ၊ ဌာနဆိုင်ရာများသည် ပုသိမ်မြို့၊ ကိုးသိန်းအားကစားကွင်းတွင်ပြုလုပ်သည့် ဒီဇင်ဘာလူထုအားကစားလ ဌာနပေါင်းစုံ ဘောလုံးပြိုင်ပွဲ ဗိုလ်လုပွဲစဉ်အဖြစ် ဧရာဝတီတိုင်း​ဒေသကြီးအ​ထွေ​ထွေအုပ်ချုပ်​ရေးဦးစီးဌာနအသင်းနှင့်လုံခြုံရေးနှင့်နယ်စပ်​ရေးရာဝန်ကြီးဌာနအသင်းတို့ ယှဉ်ပြိုင်ကစား နေမှုများကို ကြည့်ရှုအားပေးခဲ့သည်။

ထို့နောက် ဆုချီးမြှင့်ပွဲအခမ်းအနားကို ဆက်လက်ပြုလုပ်ရာ ဒုတိယဆုရရှိသည့် ဧရာဝတီတိုင်း​ဒေသကြီးအ​ထွေ​ထွေအုပ်ချုပ်​ရေးဦးစီးဌာန အသင်းအား တစ်ဦးချင်းဆုတံဆိပ်နှင့်ငွေသားဆုကို လုံခြုံ​ရေးနှင့်နယ်စပ်​ရေးရာဝန်ကြီးကလည်းကောင်း၊ ပထမဆုရရှိသည့် လုံခြုံရေးနှင့် နယ်စပ်​ရေးရာဝန်ကြီးဌာနအသင်းအား တစ်ဦးချင်းဆုတံဆိပ်နှင့် ငွေသားဆုကို တိုင်းဒေသကြီးဝန်ကြီးချုပ်ကလည်းကောင်း ဆုများချီးမြှင့်ခဲ့ကြပြီးအမှတ်တရဓါတ်ပုံများရိုက်ကူးခဲ့ကြပါသည်။